اسلام آباد- 17 سيپٽمبر (اي پي پي) مذهبي معاملن واري وفاقي وزير چوڌري سالڪ حسين چيو آهي ته جديد تعليمي نظام ۾ سيرت رسول الله صلي الله عليه وآله وسلم جو شامل هئڻ ضروري آهي، اسلام ۾ استاد کي اعليٰ درجو حاصل آهي، تعليم هر مرد ۽ عورت جو بنيادي حق آهي. حضور اڪرم صلي الله عليه وآله وسلم جي تعليم اسان کي اخلاقيات، خود احتسابي ۽ مساوات جو درس ??ئي ٿي، علم کانسواءِ متوازن معاشري جي جوڙجڪ ناممڪن آهي، اسلام علم کي حاصل ڪرڻ تي زور ڀريو آهي. 12 ربيع الاول اسان کي اسوة حسنه صلي الله عليه وآله وسلم تي عمل ڪرڻ جو درس ??ئي ٿو. 49 هين قومي سيرت النبي صلي الله عليه وآله وسلم ڪانفرنس کي خطاب ڪندي هن 12 ربيع الاول جي ڏينهن جي موقعي تي سمورن آيل، اهل وطن ۽ عالم اسلام کي مبارڪون پيش ڪندي چيو ته هي ڏينهن اسان کي رحمة للعالمين صلي الله عليه وآله وسلم جي اسوة حسنه جي روشنيءَ ۾ پنهنجي ڏينهن رات کي منور ڪرڻ جي تلقين ڪري ٿو، پيغمبر اسلام صلي الله عليه وآله وسلم جي اعليٰ روشن تعليمات کي هٿي ڏيڻ ئي وقت جو سڀ کان اهم تقاضا آهي، اڄ اسان حضور اڪرم صلي الله عليه وآله وسلم جي بارگاه ۾ عقيدت جا تحفا پيش ڪرڻ لاءِ ڪانفرنس ۾ شريڪ آهيون، اسان کي ان برڪتن واري محفل ذريعي سڄي ملڪ مان آيل عالمن ۽ مشائخن سان ڳالهائڻ جو موقعو مليو، ڪانفرنس جو بنيادي مقصد نبي اڪرم صلي الله عليه وآله وسلم جي تعليمات ۽ اسوة حسنه جي پرچار آهي ته جيئن معاشري جو هرد فرد ۽ ادارو پاڻ سڳورن صلي الله عليه وآله وسلم جي تعليمات مان رهنمائي وٺي تعليمي، معاشرتي، مذهبي ۽ اخلاقي، سياسي، معاشي ۽ د??يا ۾ ڪامياب ۽ ڪامران ٿي سگهي ۽ ٻين لاءِ روشني جو سبب بڻجي. هن چيو ته هلندڙ سال قومي سيرت ڪانفرنس لاءِ جنهن موضوع جي چونڊ ڪئي وئي آهي اها اسوة حسنه جي روشنيءَ ۾ رياست جي تعليمي نظام بابت آهي، جيڪڏهن اسان نبي اڪرم صلي الله عليه وآله وسلم جي زندگي ۽ تعليمات تي غور ڪريون ته معلوم ٿيندو ته پاڻ سڳورن صلي الله عليه وآله وسلم جي زندگي ۽ حڪمراني خطي يثرب کي دنيا جي سڀ کان بهترين فلاحي رياست ۾ بدلائي ڇڏيو. هن چيو ته رسول اڪرم صلي الله عليه وآله وسلم جي عهد ۾ تعليمي نظام ۽ علم جي سرپرستي تمام اهم هئي، مسلمانن جي زماني ۾ جيڪا علم کي ترقي حاصل ٿي ۽ جنهن سبب هو سڄي دنيا جا استاد بڻيا ۽ سڄي دنيا جي ماڻهن عربي ڪتابن کي پڙهي جديد تحقيقات کان آگاهه ڪيو ان جو بنياد نبي اڪرم صلي الله عليه وآله وسلم جن ئي رکيو. هن چيو ته نبي اڪرم صلي الله عليه وآله وسلم کي خدائي حڪم به پڙهڻ بابت ئي مليو ۽ علم جي اهميت به پهرين وحي ۾ بيان ڪئي وئي. پاڻ سڳورن صلي الله عليه وآله وسلم جي تعليم يافته ۽ تربيت يافته ماڻهن دين ۽ د??يا ۾ ڪٿي ڪٿي ۽ ڪيترا ڪامياب ٿيا ان جي مثال خلفاءِ راشدين جي حڪمراني جي نظام کان وٺي صحابه ڪرام جي انفرادي ?? اجتماعي زندگين مان ??ئي سگهجي ٿي، جنهن سان سڄو جهان واقف آهي. هن چيو ته سيرت النبي صلي الله عليه وآله وسلم ۽ صحابه ڪرام جي زندگين ۾ اسان کي اهي اخلاقيات ۽ قدر جهڙن انصاف، ديانتداري، امانتداري، خود احتسابي، ذميداري، ٻين جي حقن جو خيال، محبت رواداري، سچ، عفو ۽ درگذر ۽ ايثار نظر اچي ٿو جنهن پٺيان ٻنهي جهانن جي سردار صلي الله عليه وآله وسلم جو اهو عظيم نظام تعليم ۽ تربيت آهي جيڪو انسان اندر تقويٰ ۽ الله جو خوف پيدا ڪري ٿو ته ڪو ڏسي يا نه ڏسي غلط ڪم ناهي ڪرڻو ڇاڪاڻ ته منهنجو الله مون کي ڏسي رهيو آهي ۽ مون کي حساب ڏيڻو آهي. نبي اڪرم صلي الله عليه وآله وسلم هر شخص لاءِ علم حاصل ڪرڻ جي حق جي حمايت ڪئي چاهي اهو مرد يا عورت، ڪنهن به نسل يا رنگ سان هجي. پاڻ سڳورن صلي الله عليه وآله وسلم فرمايو علم حاصل ڪرڻ هر مسلمان تي فرض آهي، اهو بيان هڪ انقلابي آهي جيڪو بيان ڪري ٿو ته تعليم صرف مخصوص طبقي لاءِ نه پر هر فرد جو حق آهي. هن چيو ته اسوة حسنه جو اهم نُڪتو تعليم ۽ تربيت جي عمل ۾ استادن ۽ عالمن جو ڪردر آهي، نبي اڪرم صلي الله عليه وآله وسلم جي زندگي ۾ استادن ۽ عالمن جو ڪردار تمام اهم آهي، پاڻ سڳورن صلي الله عليه وآله وسلم فرمايو عالم، انبياءِ ڪرام جا وارث آهن، اها حديث عالمن جي اهميت جي نشاندهي ڪري ٿي. وفاقي وزير عالمن جو ڌيان ڇِڪرائيندي چيو ته جديد تعليمي نظام ۾ عملي اخلاق ڪيئن ممڪن آهي، نبي اڪرم صلي الله عليه وآله وسلم جي تعليمات جي روشنيءَ ۾ اسان انهن اصولن کي جديد تعليمي نظام ۾ ڪيئن لاڳو ڪري سگهون ٿا؟ سڀ کان پهرين اسان کي اهڙو نصاب تيار ڪرڻ گهرجي جيڪو ديني ۽ د??ياوي علم اندر توازن هجي، سائنس، رياضي تاريخ جهڙن مضمونن کي قرآن ۽ حديث ۽ فقه سان پڙهايو وڃي ته جيئن شاگردن جي تعليم متوازن ٿئي. هن چيو ته اهڙو تعليمي نظام جيڪو نبي اڪرم صلي الله عليه وآله وسلم جي سيرت مان متاثر ٿئي اهو نظام آهي، جيڪو علم جو قدر ڪري، اخلاقي ۽ روحاني ترقيءَ کي هٿي ڏئي، سڀني جي شموليت جي حمايت ڪري ۽ استادن جي اهم ڪردار جو احترام ڪري، انهن اصولن کي اختيار ڪندي اسان هڪ اهڙو تعليمي نظام تيار ڪري سگهون ٿا جيڪو نه صرف شاگردن کي دنيا ۾ ڪاميابي لاءِ تيار ڪري ٿو پر ان جي روح ۽ ڪردار جي به پرورش ڪري ٿو ۽ کين ذميدار ۽ اخلاق ۽ روحاني طور تي هڪ باخبر فرد بڻجڻ طرف رهنمائي ڪري ٿو.
.jpg)
