پاک فوج دی پورے ملک اچ چھل متاثرین کیتے امدادی کاروائیاں جاری

اسلام آباد۔24اگست(اے پی پی) بھارت دی طرفوں دریائے ستلج اچ چھل دا پاݨی چھوڑݨ تے پاک فوج دی بہاولپور، بہاولنگر دے نشیبی علاقیں اچ امدادی سرگرمیاں جاری ہن ۔پاک فوج دی طرفوں پاکپتن اچ چھل توں متاثرہ آبادی کیتے مفت میڈیکل کیمپ لاتا ڳئے ۔ میڈیکل کیمپ اچ کوالیفائیڈ ڈاکٹرز، نرسنگ اسسٹنٹس اتے ٻئیا میڈیکل سٹاف شامل ہئی ۔سیلاب متاثرین کوں مفت علاج دے نال مفت راشن وی ݙتا ویندا پئے۔پاک آرمی دی طرفوں میلسی، چشتیاں، منچناں آباد اتے ہیڈ سلیمانکی اچ مقامی انتظامیہ دے تعاون نال متاثرہ علاقیں توں چھل متاثرین کوں محفوط جاہ تے منتقل کیتا ڳئے ۔میڈیکل کیمپس اچ وݙی تعداد اچ متاثرین کوں مفت طبی امداد ݙتی ویندی پئی اے ۔عوام طبی امداد اتے دوائیں ݙیوݨ تے پاک فوج دا شکریہ ادا کیتے ۔

مضمون کا ماخذ : جیک اور بین اسٹالک

متعلقہ مضامین