سکیورٹی فورسز دی جنوبی وزیرستان تے ڈیرہ اسماعیل خان اچ کارروائیاں ،3 دہشت گرد ماریے ڳئن

راولپنڈی۔21نومبر(اے پی پی) سکیورٹی فورسز جنوبی وزیرستان تے ڈیرہ اسماعیل خان اچ خفیہ معلومات تے کاروائیاں کیتن ، انہاں کارروائیاں اچ فائرنگ دے تبادلے اچ 3 دہشت گرد جہنم واصل جݙاں جو جنوبی وزیرستان اچ دیسی ساختہ بم پھٹݨ نال پاک فوج دا جوان شہید تھی ڳئے۔ آئی ایس پی آر موجب 20 نومبر 2023 کوں ضلع ڈیرہ اسماعیل خان دے علاقے کلاچی اچ انٹیلی جنس تے مبنی آپریشن کیتا ڳئے تے شدید فائرنگ دے تبادلے دے بعد 2 دہشت گرد ماریے ڳئن ۔جنوبی وزیرستان دے علاقے کوٹ اعظم اچ کیتی ڳئی ھک انڄ کاروائی اچ ھک دہشت گرد ماریا ڳئے ۔ہلاک تھیوݨ آلے ترائی دہشت گرداں توں اسلحہ وی برآمد تھئے جیڑھا سکیورٹی فورسز دے نال نال نشوم شہریاں دے خلاف دہشت گردی دیاں ٻہوں کارروائیاں اچ استعمال تھیندا رہیا ۔ھک ٻیا واقعہ شمالی وزیرستان ضلع دے غوریوم اچ پیش آئے جتھاں ھک دیسی ساختہ بم پھٹ ڳئے جیں دے نتیجے اچ سپاہی شاہ زیب (عمر 26 سال، رہائشی ضلع راولپنڈی) شہید تھی ڳئے۔علاقے اچ موجود کہیں وی دہشت گرد کوں مکاوݨ کیتے کارروائیاں جاری ہن۔ آئی ایس پی آر آکھیے پاکستان دی سکیورٹی فورسز دہشت گردی دی لعنت کوں منڈھوں مکاوݨ کیتے پرعزم اے تے ساݙے بہادر سپاہیاں دیاں قربانیاں ساݙے عزم کوں ٻیا تکڑا کریندن ۔

مضمون کا ماخذ : مردہ یا زندہ II

متعلقہ مضامین