اسلام آباد۔20جون (اے پی پی) سپریم کورٹ الیکشن ٹریبونلز دے حوالے نال لاہور ہائی کورٹ دے فیصلہ دے خلاف الیکشن کمیشن دی اپیل کوں لارجر بنچ بݨاوݨ سانڳے ترائے رکنی کمیٹی کنے بھجویندے ہوئیں سماعت ملتوی کرݙتی چیف جسٹس پاکستان جسٹس قاضی فائز عیسٰی دی سربراہی اچ جسٹس نعیم اختر افغان تے مشتمل ݙو رکنی بنچ الیکشن ٹریبونلز دی تشکیل دے خلاف الیکشن کمیشن دی اپیل تے سماعت کیتی ۔ الیکشن کمیشن دے وکیل سکندر بشیر اتے پی ??ی آئی دے وکیل سلمان اکرم راجہ عدالت اچ پیش تھئن ۔ سماعت دے موقع تے الیکشن کمیشن دے وکیل سکندر بشیر اپݨے دلائل اچ موقف اپنائے جو اے کیس آئین دے آرٹیکل 219 (سی) دی تشریح دا معاملہ اے۔وکیل الیکشن کمیشن عدالت کوں ݙسائے 14 فروری کوں الیکشن کمیشن ٹریبونلز دی تشکیل سانڳے سارے ہائیکورٹس کوں خط لکھئے۔ انہاں آکھیے ٹریبونلز دی تشکیل الیکشن کمیشن دا اختیار اے۔ وکیل الیکشن کمیشن آکھیے ساری ہائی کورٹس توں خطوط دے ذریعے ججز دے ناویں دیاں فہرستاں منگیاں ??ئن لاہور ہائی کورٹ دی طرفوں 20 فروری کوں 2 ججاں دے ناں ݙتے ڳئے جیں توں بعد ݙوہیں ججاں ??وں الیکشن ٹریبونلز سانڳے نوٹیفائی کرݙتا ڳیا ۔ انہاں مزید ݙسائے جو 26 اپریل کوں مزید الیکشن ٹریبونلز تشکیل ݙتے ڳئے۔وکیل الیکشن کمیشن عدالت کوں ݙسایا جو 4 الیکشن ٹریبونلز دی تشکیل تئیں کوئی جھیڑا نی تھیا ایں موقع تے جسٹس قاضی فائز عیسیٰ آکھیے ٻہہ تے ڳالھ کریندے تاں ??ہیں نتیجے تے پڄ ویندے سماعت تے جسٹس نعیم اختر افغان آپݨے ریمارکس اچ آکھیے جو الیکشن کمیشن ساری ہائیکورٹس کوں خط لکھیے ۔ انہاں آکھیے لاہور ہائی کورٹ دے علاوہ کتھائیں جھیڑا نی تھیا ۔چیف جسٹس آکھیے آئین بالکل واضح اے الیکشن ٹریبونلز دا اختیار الیکشن کمیشن کوں حاصل اے۔ آئین دے آرٹیکل 219 دے سیکشن سی بالکل واضح کرݙتے ۔ چیف جسٹس آکھیے اساں آئین و قانون دے تحت حلف چاتے۔ عدالتی فیصلیں تے حلف نی ڳھدا ۔ انہاں مزید آکھیے سپریم کورٹ جݙاں آئین دی تشریح کیتی تاں اوکھ تھئی اے ۔ چیف جسٹس ٹریبونلز تشکیل متعلق صدارتی آرڈیننس دے حوالے نال پچھیا جو کیا صدارتی آرڈیننس دے ذریعہ تبدیلی کیویں تھی سڳدی اے ؟ انہاں آکھیے ھک پاسے پارلیمان قانون بݨائے ۔ پارلیمان دے قانون دے بعد آرڈیننس کیویں گھن آیا ونڄ سڳدے ؟ آرڈیننس گھن آوݨ دی وجہ کیا ہئی ۔ چیف جسٹس وکیل پی ??ی آئی سلمان اکرم راجہ توں پچھے جو کیا آرڈیننس کوں چیلنج نی کیتا ڳیا ؟ سلمان اکرم راجہ عدالت کوں ݙسائے آرڈیننس کوں لاہور اتے اسلام آباد ہائی کورٹس اچ چیلنج کیتا ڳئے ۔ چیف جسٹس قاضی فائز عیسیٰ ریمارکس ݙتن مختلف ہائی کورٹس کیوں؟ آرڈیننس تاں پورے ملک اچ لڳسی ایں موقع تے الیکشن کمیشن دے وکیل عدالت توں استدعا کیتی جو لاہور ہائی کورٹ دے سنگل رکنی بنچ دے فیصلہ تے حکم امتناع جاری کیتا ونڄے انہاں آکھیے فیصلہ ??عط?? تھیسی تساں اساں لاہور ہائیکورٹ دے چیف جسٹس توں بامعنی مشاورت کر سڳسوں ۔ چیف جسٹس ریمارکس ݙتن سلمان اکرم راجہ حکم امتناع جاری کرݨ دی مخالفت کریندے پئن ۔ انہاں آکھیے اسان الیکشن کمیشن کوں چیف جسٹس لاہور ہائی کورٹ نال مشاورت توں نی روکیندے پئے ۔عدالت پی ??ی آئی دے 9 امیدواراں ??وں فریق بݨاوݨ دی استدعا منظور کریندے ہوئیں نوٹس جاری کرݙتا ۔ عدالت سندھ اتے بلوچستان ہائیکورٹس اچ الیکشن ٹریبونلز دے قیام دے حوالے نال اپنائے ڳئے طریقہ کار دی تفصیل وی منگ ڳ??دن بعد اچ سپریم کورٹ لارجر بنچ دی تشکیل سانڳے کیس کوں ترائے رکنی کمیٹی کنے بھجویندے ہوئیں سماعت ملتوی کرݙتی۔
