اسلام آباد۔23دسمبر(اے پی پی) وفاقی وزیر داخلہ رانا ثناءاللہ خان آکھیے بارود توں بھری گاݙی اچ دوران چیکنگ دھماکہ تھئے جیں دے نتیجے اچ ھک پولیس اہلکار شہید جݙاں جو 6 زخمی تھی ڳئن ، بارود توں بھری گاݙی اسلام آباد اچ ہائی ‘ویلیو ٹارگٹ’ کوں نشانہ بݨاوݨ کیتے روانہ کیتی ڳئی ہئی، اسلام آباد پولیس دے اہلکار جان دی قربانی ݙے تے دہشت گردی دی وݙی کارروائی کوں ناکام بݨایا۔ جمعہ کوں آپݨے ھک بیا اچ وفاقی وزیر داخلہ رانا ثناءاللہ خان آکھیے اڄ سویلے بارود توں بھری گاݙی راولپنڈی توں اسلام آباد اچ داخل تھئی جیں اچ ھک مرد تے ھک تریمت دہشت گرد سوار ہن ۔بارود توں بھری اے گاݙی آئی جے پرنسپل روڈ راولپنڈی توں سیکٹر آئی ٹین ، اسلام آباد اچ داخل تھئی ۔ایگل اسکواڈ دوران گشت مشکوک سمجھدے ہوئے ایں گاݙی کوں روکیا ،ایں دوران گاݙی اچ دھماکہ تھی ڳیا جیں اچ ھک پولیس اہلکار شہید اتے 6 زخمی تھی ڳئن۔ وزیر داخلہ رانا ثناءاللہ خان آکھیے پولیس دی فرض شناسی نال اسلام آباد وݙے حادثے توں محفوظ رہیا،فرض شناسی تے اسلام آباد پولیس کوں خراج تحسین پیش کرینداں ۔ انہاں آکھیے شہید عدیل حسین کوں شہداء پیکج ݙتا ویسی ۔وزیر داخلہ دا شہید دے اہل خانہ نال ہمدردی دا اظہار کیتا تے زخمیاں دی وختی صحت یابی دی دعا کیتی۔ انہاں آکھیے زخمیاں کوں بہترین طبی امداد ݙتی ویندی پئی اے۔
