قوم شہدا دی قربانیاں کوں کݙاہیں نہ بھلیسی ، ہر محب وطن پاکستانی شہیداں نال محبت فرض سمجھدے، چیئرمین سینیٹ محمدصادق سنجرانی

اسلام آباد۔25مئی(اے پی پی) چیئرمین سینیٹ محمدصادق سنجرانی آکھیے پاکستانی قوم شہدا دی قربانیاں کوں نہ کݙاہیں بُھلی اے نہ بھلیسی ، ہر محب وطن پاکستانی اپݨی مٹی دی محبت اچ شہید تھیوݨ آلیں نال والہانہ محبت کوں اپݨا فرض سمجھدے ۔ سینیٹ سیکرٹریٹ توں جاری بیان موجب چیئرمین سینیٹ یومِ تکریم شہداِ پاکستان دے موقع تے آپݨے پیغام اچ آکھیے ساݙا ایمان اے جو پاکستانی قوم شہدا دی قربانیاں کوں کݙاہیں نہ بھلی اے تے نہ بھلیسی حالات بھاویں جیہو جے وی ہوون وطن دے محافظاں نال محبت پاکستان نال محبت کرݨ دے مترادف اے، جیڑھیاں قوماں اپݨے شہدا کوں بھل ویندن انہاں دا تاریخ اچ کوئی ناں گھنݨ آلا کوئی نی ہوندا ،شہدا دے خون دا اساں تے قرض اے۔ انہاں دا آکھݨ اے جو اڄ دے ݙینھ اساں ساریں کوں رل تے ایں عہد دی تجدید کرݨی ہوسی جو پاکستان دی ترقی اتے خوشحالی دی خاطر نفرتاں دی ساریاں دیواراں کوں ختم کر ݙیسوں تے وطنِ عزیز دے سارے شہدا دی قربانیوں کوں نا صرف یاد رکھیا ویسی بلکہ انہاں دے تقدس تے حرمت تے کݙاہیں کوئی آنچ آوݨ ݙیسوں ۔

مضمون کا ماخذ : کڑک

متعلقہ مضامین