کراچی۔2جون (اے پی پی) صدر مملکت ڈاکٹر عارف علوی انشورنس کمپنیاں تے زور ݙتا جو او صحت اتے زراعت دے شعبیاں اچ خدمات کوں ودھاون اتے عوام تئیں رسائی ودھاوݨ کیتے جدید ٹیکنالوجی توں فائدہ چاون، قومی معیشت اچ انشورنس سیکٹر دا حصہ خطے دے ٻے ملکاں دے مقابلے ٻہوں ڳھٹ اے، تکھے نمو حاصل کرݨ کیتے عوامی سطح تے بہتر تشخص اجاگر اتے آگاہی ݙتی وںجے۔ اے ڳالھیں انہاں جمعے کوں گورنر ہائوس اچ وفاقی انشورنس محتسب سیکرٹریٹ ولوں ”انشورنس سیکٹر دی ترقی اچ محتسب دا کردار” دے عنوان نال تھیوݨ آلےسیمینار توں خطاب کریندیں ہوئیں آکھی۔ ڈاکٹر عارف علوی آکھیا جو حکومت اپݨے سوشل سیفٹی نیٹ، سرکاری شعبہ اچ صحت دی خدمات دی فراہمی، قدرتی آفات اتے حادثیاں دی صورت معاوضے دی شکل اچ سماجی تحفظ اتے امداد ݙیندی پی اے پر ملک دی پوری آبادی کوں فائدہ ݙیوݨ کیتے ٻے اقدامات دی لوڑھ اے۔ انہاں آکھیا جو صحت دی خرچے خصوصی طور ڳھٹ آمدݨ آلے طبقے دےلوکاں کیتے ہک اہم مسئلہ اے اتے ملک اچ ہیلتھ انشورنس دی خدمات دے امکانات موجود ہن۔ زرعی شعبے کیتے بیمہ خدمات دی لوڑھ تے زور ݙیندیں ہوئیں انہاں آکھیا جو زراعت معیشت دا اہم شعبہ اے جئیں اچ انشورنس دی خدمات اتے مصنوعات محدود ہن۔ تیزی نال ترقی کریندی ہوئی انفارمیشن اتے کمیونیکیشن ٹیکنالوجیز کوں استعمال کریندیں ہوئیں عوام دی انشورنس تئیں رسائی کوں یقینی ٻݨایا ونڄ سڳدے۔ ایں توں پہلے وفاقی انشورنس محتسب ڈاکٹر محمد خاور جمیل ایف آئی او سیکرٹریٹ دی کارکردگی اتے کامیابیاں تے روشنی پیندیں ہوئیں ݙسیا جو شکایت کنندگان کوں ݙتے ڳے مالیاتی ریلیف دا حجم 2019 اچ 410 ملین روپے ہئیں جیڑھا ودھ تے 2022 اچ 2.54 ارب ڈالر تھی ڳے۔
