عمران خان دی ایما تے مسلم لیگ (ن) دے رہنماواں دے خلاف مقدمیں بݨائے ڳئن ، شہباز گل تے کوئی تشدد نی تھیا ،وفاقی وزیر پارلیمانی امور دا سینیٹ اچ اظہار خیال

اسلام آباد۔19اگست (اے پی پی) وفاقی وزیر پارلیمانی امور مرتضیٰ جاوید عباسی آکھیے جو پی ٹی آئی کوں آپݨا اقتدار کھس ونڄݨ دی تکلیف اے، شہباز گل تے کوئی تشدد نی تھیا تاں جوعمران خان دی ایما تے مسلم لیگ (ن) اے رہنماواں دے خلاف مقدمیں بݨائے ڳئے۔ جمعہ کوں سینیٹ اجلاس اچ اظہار خیال کریندے ہوئیں مرتضیٰ جاوید عباسی آکھیے جو اپوزیشن کوں اخلاقیات دا خیال رکھݨا چاہیدے، پی ٹی آئی ملک اچ ظلم و سیاسی انتقام دی انتہا کیتی، انہاں مخالفین دے 90 ݙینھ دے ریمانڈ ڳھدے، انہاں عزیز و اقارب کوں ملݨ نی ݙتا ڳیا ، انہاں آکھیے جو شہباز گل تے کہیں قسم دا تشدد نی تھیا ، پی ٹی آئی دا احتجاج بے جا اے۔ انہاں آکھیے پی ٹی آئی قومی مجرم اے، انہاں آپݨے دور حکومت اچ ملکی ترقی تے توجہ نی ݙتی وفاقی وزیر آکھیے جو شہباز گل دا قانون دے مطابق ریمانڈ ڳھدا ڳئے تے میڈیکل رپورٹ وی پیش کیتی ڳئی اے ، انہاں آکھیے جو عمران خان دی ایما تے رانا ثناءاللہ تے کیس بݨایا ڳیا ، شاہد خاقان عباسی تے احسن اقبال کوں بے گناہ جیل اچ سٹیا ڳیا ، مریم نواز کوں نواز شریف دے سامݨے ہتھکڑیاں لاتیاں ڳیاں، ایں ویلھے انہاں دی غیرت ستی ہوئی ہئی ، ہݨ کیویں جاڳ ڳئی اے۔

مضمون کا ماخذ : سشی ایکسپریس

متعلقہ مضامین