لوک میلہ پاکستانی ثقافت کوں ودھارا تے عوام کوں تفریح ݙیندے ، انجینئر امیر مقام

اسلام آباد۔3دسمبر(اے پی پی):وزیراعظم دے مشیر قومی ورثہ و ثقافت انجینئر امیر مقام آکھیے جو سالانہ لوک میلہ ملک دے مثبت تشخص کوں موثر انداز اچ ودھارا ݙیوݨ تے لوکاں کوں انہاں دی بھرپور ثقافتاں نال جوڑݨ اچ اہم کردار ادا کریندا پئے ۔ ہفتے کوں پی ٹی وی نیوز نال خصوصی ڳالھ مہاڑ کریندے ہوئیں انہاں آکھیے جو 10 روزہ ایونٹ دا مقصد آرٹس، دستکاری، ثقافت، لوک موسیقی اتے پاکستانی لوکاں دی روایتی مہارتاں کوں ودھارا ݙیوݨ تے محفوظ کرݨا اے ۔ لوک میلہ دے بہترین انعقاد تے لوک ورثہ دی انتظامیہ دی خدمات دی تعریف کریندے ہوئیں انہاں آکھیے جو فنکاراں، اسپانسرز اتے منتظمین سودھے ساریں میلے کوں کامیاب بݨاوݨ اچ آپݨا کردار ادا کیتے جیڑھا جو ݙیکھݨ آلیں دی تعداد توں طاہر تھیندے ۔ انہاں مزید آکھیے جو اے منفرد تقریب ہݨ فیڈریشن دی سنڄاݨ دی علامت بݨ ڳئی اے جتھاں سارے صوبیں دے لوک ودھ چڑھ تے حصہ گھندے پئن تے عوام کوں محظوظ کرݨ کیتے آپݨے ثقافتی شو پیش کریندے پئن ۔

مضمون کا ماخذ : لیپریچون کی خوش قسمتی۔

متعلقہ مضامین