آئندے بجٹ اچ حکومت زرعی شعبے اتے انفارمیشن ٹیکنالوجی دی جدت تے وڈی رقم خرچ کریسی، چھوٹے کساناں کیتے بغیر سود دے قرضیاں دا پروگرام ودھایا ویسی، وزیراعظم شہباز شریف

اسلام آباد۔8جون (اے پی پی) وزیراعظم محمد شہبازشریف آکھیا جو آئندے بجٹ اچ حکومت زرعی شعبے اتے انفارمیشن ٹیکنالوجی دی جدت تے وڈی رقم خرچ کریسی، چھوٹے کساناں کیتے بغیر سود دے قرضیاں دا پروگرام ودھایا ویسی۔ وزیراعظم آفس دے میڈیا ونگ توں جاری بیان موجب وزیرِ اعظم محمد شہباز شریف نال وزیرِ خزانہ اسحاق ڈار دی قیادت اچ معاشی ٹیم ملاقات کیتی۔ملاقات اچ معاشی ٹیم وزیرِ اعظم کوں اقتصادی سروے برائے مالی سال 23 ۔ 2022 پیش کیتا۔ وزیراعظم معاشی ٹیم دی گزیل ہک سال اچ ملکی معیشت دے استحکام اتے ترقی کیتے کوششاں دی تعریف کریندیں ہوئیں آکھیا جو گزریل حکومت دے چھوڑیے ڳے معاشی چیلنجز اتے تاریخی چھل دے باوجود معاشی ٹیم دی ملکی معیشت کیتے خدمات قابل ساتئش ہن۔ وزیر اعظم آکھیا جو آئندے بجٹ اچ حکومت زرعی شعبے اتے انفارمیشن ٹیکنالوجی دی جدت تے وڈی رقم خرچ کریسی، چھوٹے کساناں کیتے بغیر سود دے قرضیاں دا پروگرام ودھایا ویسی۔ ملاقات اچ وفاقی وزیرِ خزانہ اسحاق ڈار، وزیرِ مملکت ڈاکٹر عائشہ غوث پاشا، معاونین خصوصی طارق باجوہ، طارق پاشا اتے وزارت خزانہ دے اہلکارشریک تھیے۔

مضمون کا ماخذ : اٹلانٹس کا بادشاہ

متعلقہ مضامین