پاکستان تے کویت وچال مختلف شعبیاں اچ ارباں ڈالر دی سرمایہ کاری دے 7معاہدیاں اتے 3 مفاہمتی یادداشتاں تے دستخط
APP60-291123
KUWAIT: November 29 – Caretaker Prime Minister Anwaar-ul-Haq Kakar and First Deputy Prime Minister and Minister for Interior of Kuwait Sheikh Talal Al-Khaled Al-Ahmad Al-Sabah witnessing the signing of MoUs regarding cooperation in various fields between the two countries. APP/TZD/FHA
کویت۔29نومبر(اے پی پی)پاکستان اتے کویت تحفظ خوراک، زراعت، پن بجلی، معدنیات سودھا مختلف شعبیاں اچ ارباں ڈالر دی سرمایہ کاری دے 7 معاہدیاں اتے 3 مفاہمت دیاں یادداشتاں تے دستخط کیتن۔ نگران وزیراعظم انوار الحق کاکڑ کویت دے نائب وزیراعظم اتے وزیر داخلہ شیخ طلال الخالد الاحمد الصباح نال ملین۔ انہاں نال آرمی چیف جنرل سید عاصم منیر وی موجود ہن۔ ملاقات اچ ݙوطرفہ تاریخی برادرانہ تعلقات کوں تکڑا کریندے مفید اقتصادی شراکت داری اچ ؤتاوݨ دا عزم دوہرایا ڳیا۔ بعد اچ ݙوہاں ملکاں وچال 7 معاہدیاں اتے 3 مفاہمت دی یادداشتاں تے دستخط دی تقریب اچ شریک تھین۔ کویت پاکستان اچ فوڈ سکیورٹی، زراعت، پن بجلی، پیوݨ دے صاف پاݨی، کان کنی فنڈ دے قیام، ٹیکنالوجی زونز ڈویلپمنٹ اتے مینگروو دے تحفظ سودھا ارباں ڈالر دی سرمایہ کاری دے 7 معاہداں اتے فن و ثقافت، ماحولیات اتے پائیدار ترقی دے شعباں اچ تعاون کیتے 3 مفاہمت دی یادداشتاں تے دستخط کیتن۔ نگران وزیراعظم انہاں معاہدیاں اتے ݙو طرفہ تعلقات تے اطمینان کریندے آکھیے جو ایندے نال ݙوہاں ملکاں کوں اپݨی سنگت اتے معیشت ٻئی تکڑی کرݨ اچ مدد ملسی۔ انہاں کویت دے امیر شیخ نواف الاحمد الجابر الصباح دی صحت یابی دی وی دعا کیتی۔
