اسلام آباد۔10اکتوبر(اے پی پی):ورلڈ ہیلتھ آرگنائزیشن (ڈبلیو ایچ او) دی پاکستان اچ کنٹری نمائندہ ڈاکٹر پالیتھا گناراتھنا مہیپالا یقین ݙیوائے جو پاکستان دے سیلاب توں متاثرہ علاقیں اچ صحت دیاں سہولتاں ݙتیاں ویندیاں پئن ،ڈبلیو ایچ او صحت دیاں سہولتاں دے موثر نظام کوں بہتر بݨاوݨ دے منصوبے تے کم کریندا پئے ۔ڈبلیو ایچ او دے کنٹری ہیڈ آکھیے جو انہاں دے ادارہ کوں پاکستان اچ سیلاب توں تھیوݨ آلی تباہی دا پورا پتہ اے ،سیلاب اتھاں دے لوکاں دی زندگی کوں ضیان پڄائے ، جئیں دے نتیجے اچ انہاں دی صحت کوں مختلف خطرات لاحق ہن،متاثرہ علاقیں اچ ڈائریا، ہیضہ، ملیریا، ڈینگی بخار، جلد دے انفیکشن اتے ٹائیفائیڈ جیہاں بیماریاں ودھݨ دا رحجان ݙٹھا ڳئے ۔قومی تے صوبائی حکام دی سربراہی اچ ڈبلیو ایچ او آپݨے شراکت داراں دے نال وختی کم کیتے تے ضروری صحت دیاں سہولتاں ݙیوݨ کوں یقینی بݨاوݨ کیتے وختی اقدامات کیتن تے بہتر طریقہ کار دے ذریعے صحت دے نظام دی بحالی کیتے حکومت پاکستان دی مدد کریندا پئے ، انہاں آپݨے بیان اچ مزید آکھے جو سیلاب توں متاثرہ علاقیں اچ صحت دیاں سہولتاں ݙیوݨ آلے کارکناں زبردست کم کیتے ۔ انہاں آکھیے جو سیلاب دیاں تباہ کاریاں کوں سامݨے رکھیندے ہئیں ڈبلیو ایچ او نصیر آباد، سکھر اتے حیدرآباد اچ ترائے آپریشنل ہب اتے پنجاب، سندھ، بلوچستان اتے کے پی اچ سیلاب توں متاثرہ علاقیں اچ 10 ایمرجنسی آپریشن سینٹرز قائم کیتن ڈبلیو ایچ او ضروری دوائیں ، طبی سامان، پاݨی صاف کرݨ آلی کٹس، ٹینک، ٹینٹ، اتے خیمیں دی مد اچ 618,048.08 ملین امریکی ڈالر دی امداد ݙتی ا?? ۔
