راولپنڈی۔16جولائی (اے پی پی) بنوں چھاؤنی تے دہشتگرد حملے اچ 8 سیکورٹی اہلکارشہید تھی ڳئے، سیکورٹی فورسز ویلھے تے کاروائی کریندیں ہوئیں دہشت گرداں دی چھاؤنی اچ داخلے دی کوشش ناکام ٻݨا ݙتی اتے سارے ݙاہ دہشت گرداں کوں جنہم واصل کر ݙتا۔ پاک فوج دے شعبہ تعلقات عامہ ( آئی ایس پی آر) توں منگل کوں جاری کیتی ڳئی پریس ریلیز موجب 15 جولائی دی سویل ݙاہ دہشت گرداں دے ہک گروپ بنوں چھاؤنی تے حملہ کیتا۔ چھاؤنی اچ وڑݨ دی کوشش کیتی تاں سکیورٹی فورسز دے اہلکاراں ناکام ٻݨا ݙتی جئیں دے بعد دہشت گرداں بارود نال بھری ڳاݙی چھاؤنی دی کندھی نال ٹکرا ݙتی۔ خودکش دھماکے اچ کندھی دا کڄھ حصہ ݙہہ ڳیا اتے انفراسٹرکچر دا ضیان تھیا جئیں پاروں دھرتی دے اٹھ بہادر پتر شہید تھی ڳئٖ۔ شہدا اچ نائب صوبیدار محمد شہزاد (عمر 44 سال، ساکن ضلع پونچھ، آزاد جموں تے کشمیر)، حوالدار ضلال حسین (عمر 39 سا??، رہائشی ضلع خوشاب)، حوالدار شہزاد احمد (عمر 28 سا??، رہائشی ضلع نیلم، آزاد جموں و کشمیر)، سپاہی اشفاق حسین خان (عمر 30 سا??، رہائشی ضلع مظفر آباد ، آزاد جموں و کشمیر )، سپاہی سبحان مجید (عمر 22 سا??، رہائشی ضلع مظفر آباد،آزاد جموں و کشمیر )، سپاہی امتیا?? خان (عمر 30 سا??، رہائشی ضلع کرک)، سپاہی ارسلان اسلم (عمر 26 سا??، رہائشی ضلع بہاولپور) اتے فرنٹیئر کانسٹیبلری دے لانس نائیک سبز علی (عمر 34 سا??، رہائشی لکی مروت) شامل ہن ۔آئی ایس پی آر موجب بعد اچ پاک فوج دے دستیاں موثر طریقے نال دہشت گردا?? دا مقابلہ کیتا جئیں اچ سارے ݙاہ دہشت گرداں کوں جہنم واصل کر ݙتا۔ سیکورٹی فورسز دی ویلھے تے کاروائی وݙے نقصان توں بچا ڳھدے اتے قیمتی جاناں بچا ڳھدی۔ دہشت گردی دی گھناؤنی کارروائی حافظ گل بہادر گروپ کیتی اے جو افغانستان توں کم کریندے اتے ماضی اچ وی پاکستان اندر دہشت گردی کرݨ کیتے افغان سرزمین استعمال کریندا رہیے۔ پاکستان عبوری افغان حکومت نال مسلسل آپݨے تحفظات دا اظہار کیتے اتے مطالبہ کیتے جو او دہشت گرداں ولوں افغان سرزمین دے مسلسل استعمال کوں روکے اتے ایجھے لوکاں دے خلاف کاروائی کرے۔ پاکستان دی مسلح افواج دہشت گردی دی ایں لعنت دے خلاف مادر وطن اتے عوام دا دفاع کریندی رہسی اتے افغانستان توں آوݨ آلے انہاں خطریاں دے خلاف مناسب سمجھے ڳئے سارے ضروری اقدامات کریسی۔
