افغانستان کیتے ہیومینیٹیرین ٹرسٹ فنڈ قائم کرݨ دا مقصد افغان عوام کیتے بین الاقوامی انسانی امداد دے حجم کوں ودھاوݨ کیتے اساݙی اجتماعی کوشش اے، وزیر خارجہ مخدوم شاہ محمود قریشی

اسلام آباد۔21مارچ (اے پی پی) وزیر خارجہ مخدوم شاہ محمود قریشی آکھیا جو افغانستان کیتے ہیومینیٹیرین ٹرسٹ فنڈ قائم کرݨ دا مقصد افغان عوام کیتے بین الاقوامی انسانی امداد دے حجم کوں ودھاوݨ کیتے اساݙی اجتماعی کوشش اے۔ انسانی بحران دے تناظر اچ افغان عوام کوں اساݙی فوری توجہ دی لوڑھ اے۔ سنوار کوں وزارت خارجہ اچ افغانستان کیتے ہیومینیٹیرین ٹرسٹ فنڈ دے چارٹر تے دستخط دی تقریب توں خطاب کریندیں ہوئیں وزیرخارجہ آکھیا جو اسلام آباد اچ تھیوݨ آلے وزرائے خارجہ دی کونسل دے 17ویں غیر معمولی اجلاس اچ اسلامی ترقیاتی بنک ولوں یومینیٹیرین ٹرسٹ فنڈ قائم کرݨ دا فیصلہ کیتا ڳیا۔ بینک توں درخواست کیتی ڳی ہئی جو او 2022 دے پہلے چھی مہینے تئیں فنڈ کوں فعال کر ݙیوے۔ انہاں آکھیا جو بینک آپݨے مینڈیٹ کوں موثر طریقے نال مقررہ ویلھے دے اندر پورا کیتے۔ توقع اے جو او آئی سی دے رکن ممالک، اسلامی مالیاتی ادارے ، عطیہ دہندگان اتے ٻئے بین الاقوامی سانجھے دار ایں ٹرسٹ اچ آپݨے عطیات نال رلسن۔ وزرائے خارجہ کونسل دے 48ویں اجلاس دے چیئرمین دے طور تے شرکاء توں فنڈز اچ حصہ پاوݨ دی درخواست کریساں۔

مضمون کا ماخذ : تھور میگا ویز کی طاقت

متعلقہ مضامین