ترقی دے اثرات عوام تئیں پڄاوݨ کیتے مقامی حکومتاں دے نظام کوں یقینی ٻݨاوݨا پوسی، اختیارات کوں تلویں سطح تئیں پڄا تے جمہوری نظام دا پندھ پورا تھیسی، احسن اقبال

اسلام آباد۔14جون (اے پی پی) وفاقی وزیر منصوبہ بندی، ترقی ، اصلاحات تے خصوصی اقدامات پروفیسر احسن اقبال آکھیا جو ترقی دے اثرات عوام تئیں پڄاوݨ کیتے مقامی حکومتاں دے نظام کوں یقینی ٻݨاوݨا پوسی، اختیارات کوں تلویں سطح تئیں پڄا تے جمہوری نظام دا پندھ پورا تھیسی۔ پائیدار ترقی دے اہداف کیتے رل تے کم کرݨا پوسی۔ اے ڳالھیں انہاں کوں بدھ کوں لوکل گورنمنٹ دے اختیارات تے تھیوݨ آلی نیشنل کانفرنس توں خطاب کریندیں ہوئیں آکھی۔ وفاقی وزیر اپݨے خطاب اچ بین الاقوامی شراکت داراں، سول سوسائٹی اتے نجی شعبے تے زور ݙتا جو او پائیدار ترقی دے اہداف کیتے پاکستان نال رل تے کم کرن۔ انہاں 2030 تئیں ایس ڈی جیز کیتےپاکستان دے عزم دا اظہار کریندیں ہوئیں آکھیا جو معیشت دی بحالی دے بینر تلوں معیشت دا ستون اقتصادی ترقی اتے استحکام کوں ودھاوݨ اے۔ انہاں آکھیا جو ہائر ایجوکیشن کمیشن دے بجٹ اچ 131 فیصد ودھارا کیتا ڳے جیڑھا تعلیم کیتے حکومت دے عزم کوں نشابر کریندے۔ انہاں آکھیا جو ملک دے 20 غریب ترین ضلعیاں کوں ترقی ݙیوݨ کیتے ہک نواں منصوبہ شروع کیتا ڳے۔ انہاں آکھیا جو حکومت ترقیاتی بجٹ کوں 550 ارب توں ودھا تے 1150ارب رکھین۔ کانفرنس اچ حکومتی نمائندے، سول سوسائٹی دی تنظیماں اتے بین الاقوامی شراکت دارشریک تھیے۔

مضمون کا ماخذ : ٹمپل ٹمبل

متعلقہ مضامین