ماسڪو-29 نومبر(اي پي پي) روس جي سائنسدانن 2027ع تائين روشني جي رفتار سان ڪم ڪندڙ ڪمپيوٽر ٺاھڻ جو اعلان ڪيو آھي جنھن جي رفتار موجوده تيز رفتار ڪمپيوٽر جي ڀيٽ ۾ ھڪ سو کان ھـڪ ھزار سيڪڙو وڌيڪ ھوندي. پرڏيھي رپورٽ مطابق روس نيشنل سينٽر فار فزڪس اينڊ ميٿاميٽڪس (اين سي پي ايم) جي سائنسدان اليگزينڊر سرگئيف چيو ته ايندڙ ٻن سالن ۾ اسان ڏهون تي وڌيڪ طاقت واري 19 في سيڪنڊ کان وڌيڪ پراسيسنگ جي رفتار سان آپريشن جي طاقت سان گڏ ھڪ ورڪنگ پروٽو ٽائپ ٺاھڻ جو ارادو ڪيو آھي جيڪو عالمي سطح تي موجوده ڪمپيوٽرن جي رفتار کان نمايا طور تي وڌيڪ آھي. اھو ھڪ طاقتور ھائبرڊ اليڪٽرانڪ فوٽو ونگ ڪمپيوٽر سسٽم جو ورڪنگ پروٽو ٽائپ ھوندو جيڪو ڊيٽا کي روشني جي رفتار سان پراسيس ڪندو. اليگزينڊر سرگئيف چيو ته مشھور عالمي ڪمپنين جي تيار ڪيل پنھنجي يونيورسل پراسيسرز ۽ گرافڪس پراسيسرز ۽ گرافڪس پراسيسنگ يونٽس وارن جديد ڪمپيوٽرن بدران ان جو خصوصي ڪمپيوٽنگ سسٽم ڪيترن ئي ڪمن کي حل ڪرڻ ۾ نمايا طور تيز رفتاري جو مظاھرو ڪري سگھي ٿو جيڪو 100 کان 1000 سيڪڙو تائين ٿي سگھي ٿو ۽ اھو گھٽ بجلي جي استعمال سان گڏو گڏ پنھنجي ڪارڪردگي ۾ اضافو ڪندو. سال 2030ع تائين امڪاني طور پراسيسنگ انتھائي سطح تائين پھچي سگھي ٿي. رپورٽ مطابق ان ڪمپيوٽر جي تياري جي منصوبي تي ڪم ڪندڙن ۾ روس جو وفاقي نيوڪليئر سينٽر، روس جي ريسرچ انسٽي ٽيوٽ آف ايڪسپيريمينٽل فزڪس ۽ اسماراسٽيٽ يونيورسٽي جا ماھر شامل آھن.
